1959-cu il oktyabr ayının 24-də anadan olmuşdur.
1978-ci ildə Bakı Sovet Ticarəti Texnikumunun mühasibat uçotu fakültəsini bitirmişdir.
1983-cü ildə D.Bünyadzadə adına Azərbaycan Xalq Təsərrüfatı İnstitutunun uçot-iqtisad fakültəsini bitirmişdir.
1978-1984-cü illərdə İnstitutda oxuduğu illərdə fəhlə, mühasib, böyük mühasib, böyük təftişçi vəzifələrində çalışmışdır.
1983-1992-ci illərdə Azərbaycan Dövlət İqtisad İnstitutunda müəllim, baş müəllim vəzifələrində işləmişdir.
1987-ci ildə M.V.Lomonosov adına Moskva Dövlət Universitetində namizədlik dissertasiyasını müdafiə edərək iqtisad elmləri namizədi alimlik dərəcəsini almışdır.
1992-1995-ci illərdə Türkiyə Respublikasının Mərmərə Universitetinin doktoranturasına qəbul olunmuşdur.
1995-ci ildə Maliyyə nazirinin müavini vəzifəsinə təyin olunmuşdur.
1996-2007-ci illərdə Maliyyə Nazirliyi yanında Baş Dövlət Xəzinədarlığının Baş direktoru, Azərbaycan Respublikası Maliyyə Nazirinin müavini vəzifələrində işləmişdir.
17 Aprel 2007-ci ildə Milli Məclisin qərarı ilə Azərbaycan Respublikası Hesablama Palatasının Sədri vəzifəsinə təyin olunmuşdur.
3 monoqrafiyanın və 30-dan çox elmi əsərin müəllifidir.
Ailəlidir. Üç övladı var.